Хөгжилтэй бодлогууд

1.      Хэн нь давсан бэ?

Математикч хүүд хандан “хамгийн их тоог нэрлэ” гэжээ. Хүүг хариу хэлэхэд математикч түүнээс их тоо хэлж чадахгүйгээ хүлээжээ. Хүү хэд гэсэн бэ?

2.      Тоть шиг дууриагаад.

Алимаагийн хэлсэн үнэн нотолгоог Сараа дууриагаад буруутжээ. Алимаа юу гэсэн бэ?

3.      Хурга.

Нэг хүн найзаараа ийм бодлого бодуулжээ. Тэр хэлсэн нь: нэг хонь байжээ. Тэр хонь нэг өдөр хургалжээ.  Дараа өдөр нь хонь хурга хоёр хоёулаа хургалжээ. Бас дараагийн өдөр нь хонь хургалсан хурга, тэдгээрийн 2 хурга хургалжээ гэх мэтчилэн өдөр бүр хургалаад байжээ. 15 хоногийн дараа бүгд хэдэн хонь болсон бэ?

4.      Эмгэн хумс.

10 м өндөр баганы ёроолоос орой өөд мөлхсөн эмгэн хумс 1 өдөрийн дотор 3м дээшлэх боловч шөнө доош 2м урсана анх мөлөхснөөс хойш хэддэх өдрийн үдэш тэр баганын оройд гарсан бэ ?

5.      худгийн мэлхийнүүд

60м гүн худгын ёроолд 3 мэлхий байлаа .тэд бүхэл өдрийн турш дээшээ  18м явж чадна . гэвч орой нэг нь 12м нөгөө нь 16м, гуравдах нь 17м доош явж тэндээ хононо. Дараа дараачийн өдрүүдэд үүний адил дээш , доош явна. Тэр 3 мэлхийнүүд хэдэн өдрийн дараа худагаас гарах вэ .

6.       Гурвалжинг эвлүүл

Тэгш өнцөгтийг шулуун шугмаар яаж зүсвэл үүссэг 2 хэсгээр гурвалжин эвлүүлж болох вэ .

7.      Өвгөн өвс хонь чоно дөрөв .

Өвс хонь чоно гуравыг авч яваа өвгөн нарийхан гүүрэн дээр ирээд тэдгээрийг цувуулан гаргах болжээ Яаж гүүрээр гаргах вэ .

8.       Эзнээ иддэг гэнэ үү

Ижлээ иддэг эзнээ иддэг хомоо иддэг 3 хомтой тэмээг хүн яаж авч явах вэ .

9.      Бассейн

Хавтгай ёроолтой 1 га талбайтай бассейнд 1000000 литр ус юүлжээ . Энэ бассейнд усанд сэлэх тэмцээн явуулж болох уу ?

10.  Нэг шуудай-хоёр шуудай

Нэг шуудай тариаг тээрэмдээд түүгээр 2 шуудайг яаж дүүргэх вэ ?              

11.  Газар малтагч

2 газар малтагч 2м сувгыг 2 цагт ухана.5м сувгыг 5цагт ухаж дуусгахын тулд хэдэд малтагч ажилавал зохих вэ ?

12.  Гурван найз

3 найз ном худалдаж авах болжээ хоёр нь мөнгөө нийлүүлхэд номын  үнэнээс 1₮ дутаад байжээ 3 дахь хүүхэд дангаараа авъя гэвэл 290₮ хэрэгтэй байлаа тэд бүх мөнгөө нийлүүлсэн боловч мөнгө нь бас хүрсэнгүй эхний хүүхэд 2 дахь хүүхдээс 19₮ илүү байсан бол тус бүрт байсан мөнгийг ол ?

13.  Гөлөг

4 гөлгийг 3 хүүхэд хэн нь ч бусдаасаа олон гөлөг авахгүйгээр хувааж өгч болдог байх юм ? Яаж болгох вэ .

14.  Сүүтэй цай

Нэг шилэн аягыг сүүгээр нөгөө нь хар цайгаар дүүргэжээ.Сүүнээс нэг халбагыг авч цайтай аяганд хийгээд  хутгав . Одоо нэг халбага сүүтэй цайг сүүтэй аяганд хийе . Сүүнээс авч цайнд хийе гэхмэтчилэн хэд хэд давтжээ . Сүүн доторх цай их үү . Цайн доторх сүү их үү .?

Дээрх бодлогуудын хариуг “Сэтгүүлч” клуб хүлээн авна.Бүгдийг зөв бодсон нэг оролцогч шагналтай

Ерөөлийн айлтгал

Эрдэм номын элч, эрдэмтэн багш нар аа!

Элэг нэгтэй, эрхэм хүндэт эцэг эхчүүд ээ!

Эелдэг даруухан, эрч хүчтэй хүүхэд багачуудаа!

Та бүхний амгаланг айлтгая!Таалан болгооно уу!

Улиран одож буй 2011онд Манай хамт олон:

·         ҮЭ-н “Шилдэг хамтын гэрээтэй байгууллага”

·         УЗН-ийг дэмжигч “Нигүүлсэнгүй үйлстэн” хамт олон

·         Аймгийн хэмжээний “Гэмт хэргээс урьдчилан сэргийлэх” аянд тэргүүн байр.

·         “Аюулгүй амар тайван орчин” аянд эхний байр

·         НАМЗ-ын холбоо, БСГ-ын “Дэвжээ” тэмцээнд 1-р байр \Саятан баг\

·         “Спортыг дэмжигч” Улсын уралдааны шилдэг сургууль\5 сая\

·         11б ангийн сурагч Б.Маасүрэн Газарзүйн, 10д ангийн сурагч В.Даваасүрэн технологийн хичээлээр улсын олимпиадын “Аварга”-аар тодорч багш Д.Дэлгэр-Өрнөх хүрэл медаль, 7д ангийн сурагч Б.Дамдинсүрэн Улаан-Үд хотноо явагдсан монгол туургатны “Юный Будамшу” тэмцээнд уран уншлага, дуу, монологи төрлөөр орж 1-р байр алтан медалиар энгэрээ мялааж авьяас билэг, эрдэм мэдлэгээ гайхуулсаар алдар хүндийн эзэд болж, бахархам сайхан амжилт гаргалаа.

·         Мөн Б.Эрдэнэчимэг багш аймгийн ур чадварын уралдаанд 1-р байр эзэлж улсын уралдаанд амжилттай оролцоод ирсэн байна.

·         БСГ, TY-10 телевизийн хамтран зохион байгуулсан “Шилдэг сурагч ”реалити шоунд 11д ангийн сурагч Ундармаа 2-р байр, “Тамхины хорт зуршил”,”Цэнгийн үнэгүй цэнхэр алт ”зэрэг дэвжээ тэмцээнүүдэд сурагчдын баг мөн 1-р байруудыг, “Өсвөрийн цагдаа” тэмцээнд аймагт 3-р байр эзэлсэн,Жүдо бөхийн ”Цомын аварга”-аас 3 сурагч мөнгө,хүрэл медаль хүртсэн зэрэг улс, аймгийн амжилтуудыг дурдаад байвал бяцхан сонингийн маань хуудас үл хүрэлцэх биз ээ.

Учран золгох 2012 онд:

·         Үйлчилгээ үйл ажлаараа аймгийн тэргүүний сургуулийн хэмжээнд хүрэх

·         “Дэлхийн зөн-Монгол” ОУБ-ын “Хүүхдэд ээлтэй ёс зүйн загвар сургууль” төслийг үргэлжлүүлэн хэрэгжүүлэх \2010-2012 онд\

·         “Адра-Монгол”ОУБ-ын “Хүүхэд бүрт тэгш боломж” төслийг 2010-2013 онд хэрэгжүүлэх

·         Швейцарын хөгжлийн Агентлаг “Цөлжилтийг бууруулах” төслийн хүрээнд “Эко-Сургууль” болох дэд төслийг 2011-2014 онд хэрэгжүүлэхээр,

Мөн сурлага амжилтын буухиагаа ирэх ондоо ч үргэлжлүүлэхээр өөдрөг тэнүүн бодол, өрнүүн нандин хүслээр жигүүрлэн байгаа цоглог хийморьлог хамт олны гал халуун мэндийг өөд өөд нь өргөн дэвшүүлж, эрдэм номын гэгээн буян,эрүүл мэдийн дээд буян,эд баялгийн арвин буян хураахын билэгтэй ерөөлийг хөхүүлэн айлдъя.

                                                                                                                                                        СУРГУУЛИЙН ЗАХИРГАА