Аймгийн аварга бүжигчид

Хүүхдийн хөгжил

·         Хөгжлийн бэрхшээлтэй 56 сурагчийн судалгаа гарган түүний мөрөөр   төрийн болон төрийн бус байгууллагтай хамтран ажил зохион байгуулж ажиллаа. Анги удирдсан багш нарын сургалтын хичээлийн нэг сэдэв болгон оруулсан, “хөгжлийн бэрхшээлтэй хүүхдэд ээлтэй орчин сэдэвт хэлэлцүүлэг”, “бид ингэж ажиллдаг сайн туршлагын уралдаан”  зэргийг зохион байгуулсан.

·         Хагас өнчин 83,  бүтэн өнчин  15  сурагчийн судалгаа гарган  сургуулийн өсвөрийн  улаан загалмайн бүлгийн хандив тусламжинд хамруулж ажилласан  мөн Баянхонгор аймгийн улаан загалмайн нийгэмлэгээс шинэ жилийн бэлэг нэг тус бүр нь 20000 төгрөгний өртөгтэй бэлэг өгсөн. Дэлхийн зөн БХОНХХ-1ээс сурлага урлаг, оролцоогоороо бусдыгаа хошуучлан манлайлдаг ахуй нөхцөл тааруу 15 сурагчийг шагнаж урамшуулсан.

·         Хөгжлийн бэрхшээлтэй хүнд хэцүү нөхцөлд амьдарч байгаа бага ангийн 22 сурагчид нэг удаагийн хувцас, хичээлийн хэрэгсэл зэргийг сургуулийн сурагчдын дунд хандивын аян зарлан өгсөн.

·          Гэмт хэрэг зөрчилд орж болзошгүй   24  хүүхдийн судалгаа гарган   цагдаагийн хэлтэсийн хүүхдийн байцаагчтай хамтран ажиллаж байна. Тэдний эцэг эхтэй өөрийн биеээр дөрвөлсөн гэрээг хийсэн

·         Анги бүрт орж яриа хийх, сурагчид хамт олны төлөвшилд анги удирдсан багш нартай хамтран ажилласан. Хичээл тасладаг болон хүмүүжлийн доголдол гаргаад байгаа сурагчидтай ганцаарчлан ажилладаг.

·         Сар бүрийн эхний 7 хоногт ангийн дарга нарын хурлыг хийж хүүхдийн эрх сургуулийн орчинд зөрчигдөж буй эсэхэд хяналт тавин ажилладаг.

·         Сургуулийн дотоод узель ашиглан нийгэм сэтгэл зүйн таатай орчин бүрдүүлэх чиглэлийн ажлуудыг зохион байгуулж байна сургамжит өгүүллэг уншиж байна. Урьдчилан сэргийлэх чиглэлийн төрөл бүрийн үйл ажиллагаа зохион байгуулдаг.

·         Сургуулийн хэмжээнд нийт 16 удаа АХА тэмцээнийг зохион байгуулсан. Тус тэмцээний 3-г нь ТV-гээр шууд дамжуулсан байна. Энэхүү тэмцээнд нийт давхардсан тоогоор 900 гаруй сурагч хамрагдсан байна. АХА тэмцээн зохион байгуулсанаар хүүхдийн мэдлэгийг  бататгаж, цэгцлэн сонирхолтой байдлаар олон төрлийн мэдээллийг олгох ач холбогдолтой байдаг.

·         Ойр орчимын нутаг дэвсгэрээр болон иргэдэд сурагчид өөрсдийн хийсэн нугалмал болон архи тамхины эсрэг боршур тараалаа.

·         “Туршилт тэгээд анхааруулга “ сэдэвт ажлыг сургуулийн ойр орчимын 7 дэлгүүрт хэрэгжүүллээ. Энэ үйл ажиллагаа нь эхлээд сурагчид маань ширхэгээр тамхи худалдан аваад хэрэв өгч байвал багийн бүрэлдэхүүнээр орж анхааруулга хуудсыг албан ёсоор хүлээлгэн өгч ажиллалаа.

·         Архи тамхины эсрэг хамтдаа гарын үсэг зуруулах ажил зохион байгууллаа. Архи уудаг болон тамхи татдаг багш нараар гарын үсэг зуруулах нь их ач холбогдолтой байлаа. Тус хуудсанд нийтдээ 700 гаруй хүний гарын үсэг зурагдсан нь түүний ач холбогдолыг илтгэж

·         Хүүхэд гэр бүл хөгжлийн хэлтсийн Хүүхдийн хөгжил оролцооны мэргэжилтэн Оюунсүрэнтэй хамтран Хүүхдийн өөрийн удирдлагын байгууллагын гишүүн 90 сурагчид 3 удаагийн чадваржих  сургалтыг зохион байгуулсан

·         Нөхөн үржихүйн эрүүл мэндийн сургалтыг “өөрчлөлтийг өөрийн сургуулиасаа” төслийн  хүрээнд 50 сурагчид 6 цагийн сургалт зохион байгуулсан.

·       Сургуулийн хүүхдийн оролцооны байгууллагуудтай  хамтран “Тамхигүй    орчин”  сэдэвт 7 хоногийн  хагас  жилийн хугацаанд 2 удаа зарлаж түүний хүрээнд ажил зохион байгуулсан

·         Авъяас хөтөлбөрийн  хүрээнд авъяасыг нээж илрүүлэх судалгаа хүүхэд бүрийн талаар анги удирдсан багш , эцэг эх, сурагчаас гэсэн гурван талт үнэлгээ өгөх судалгаа авагдаж сургуулийн авъяасын дундаж үзүүлэлтиийг гаргасан.  Авъяас чадваруудын ангиудын дундаж гаргаж боловсрол соёлын газарт мэдээг нэгтгэн гаргаж хугацаанд нь  өгсөн.

·         5 чиглэлийн сургалт сургууль дээр шинээр нэмэгдэж хичээлсэн.

ü  Математик - 1-3-р анги Ц.Тунгалаг багш

ü  Математик-  4-5-р анги П.Нарантуяа багш

ü  Мэтгэлцээн-  Түүх нийгмийн ухааны багш Я.Наранжаргал

ü  Зураг-  Зураг Технологийн багш Түмэннаст

ü  Бүжиг –Хөгжмийн боловсролын багш Д.Бүрэнтогтох

·       Авъяас, ном хөтөлбөрийн хүрээнд тогтмол мэдээллийн самбар болон үйл явцын зурган тайлан тогтмол сургуулийн коридорт байршиж байна.

“АВЪЯАС -I”  фистевалийн хүрээнд дараах ажлуудыг зохион байгууллаа.

·         Сурагчдын авъяасыг хэрэхн хөгжүүлж буй талаар сургуулийн 72 багш бүр үзэсгэлэн  гаргасан мөн сургуулийн хүүхдийн өөрийн удирдлагын байгууллага хэрхэн ажиллаж буй талаар үзэсгэлэн гаргасан.

·         Сурагчдын урлагын тоглолт удирдамжинд заасны дагуу 1 цагийн чадварлаг тоглолтыг тууривлаа.

Сургуулийн сүлд туг

“ ЭРДЭМ ” сургууль байгуулагдсан товч түүх

“ ЭРДЭМ ” сургууль байгуулагдсан

товч түүх .

       Одоогоос зургаан жилийн өмнө буюу 2004 – 02 – 06-нд Монгол Улсын ерөнхийлөгч асан Н. Энхбаяр, БСШУЯаманд хүсэлт гаргаснаар 640 хүүхдийн суудалтай, 952 ам метр талбай бүхий сургуулийн барилга угсралтын ажлын санхүүжилтийг 989009860 төгрөгт багтаан, улсын төсвөөс  санхүүжүүлэхээр болж, энэ ажлын тендерт гүйцэтгэгчээр “ЗОС трейд” ХХК шалгарч, улмаар 2006 – 04 – 13- нд МУ-ын ерөнхийлөгч асан Н.Энхбаяр, захиалагч байгууллагын төслийн менежер Ж.Банзрай, “ЗОС трейд” ХХК-ны инженер н. Амартүвшин, аймгийн БСГ-ын дарга МУ-ын гавьяат багш Д.Батсүх, мэргэжилтэн Д.Бат-Орших зэрэг албаны хүмүүс, иргэдийн төлөөлөл байлцан, өндөр настан, ахмад санваартан н.Аюуш ламтан газрыг тахиж,  шинэ сургуулийн шав тавьсан сургийг сонссон хүн бүр ихэд талархаж байсан.           Тийнхүү XII жарны шороон үхэр жилийн намрын дунд сарын арван долооны билэгт сайн өдөр буюу 2009 -10 -06-нд “Эрдэнэ мандал” хайрхныхаа ар зоон дээр “ЭРДЭМ” ахлах сургууль маань сүндэрлэн

босч, анхны багш, сурагч, ажилтнууддаа эрдмийн өргөөнийхөө үүдийг нээн, урин залж байсан нь өчигдөрхөн мэт санагдавч нэгэн жилийг ардаа орхижээ.Ганц жил гэдэг хүний богинохон амьдралд ахархан мэт боловч хийж бүтээх итгэл, хүслээр жигүүрлэсэн хүмүүст тийм ч бага хугацаа биш юм хэмээн нэгийг эргэцүүлэхэд хүргэсэн билээ. Нэхэн санавал : Өөр өөр сургуулиас янз бүрийн бодлого , томилолтоор олон залуус ирснээс нэг хэсэг нь их дээд сургууль төгссөн,”будаг нь ханхалсан залуус” шинэхэн сургуулиас ажлын гараагаа эхэлнэ хэмээн бахархан баярлаж, нөгөө хэсэг нь “ Энд л би юу хийж, чаддагаа харуулах ёстой” гэж өөртөө хатуу зорилго тавьж байхад цөөн хэсэг нь миний сургууль “Яагаад заавал намайг сонгож энэ сургууль руу явуулав Би ,хамт олон ,сургуульдаа хэрэггүй хүн болсон гэж үү” хэмээн эмзэглэж, ”Хэн болохоо харуулах ёстой” гэж бодож байсан ч байж болох юм.Энэ бүхэн нь багш нарын анхны уулзалт, Сурган Хүмүүжүүлэх Зөвлөлийн хурлаас л харагдаж байсан. Нүдэнд нь оч гэрэлтсэн, нүүрэнд нь инээмсэглэл тодорсон сайхан залуус “Удирдан залах ур ухаанаас л их зүйл шалтгаална даа, Бид бэлэн гэх шиг” үг яриа, үйлсийн учиг мэдрэгдэж байсныг залуу захирал алдалгүй анзаарч, оюуны өндөр чадамж, ухаалаг сэтгэлгээ, залуу хүний шийдмэг , зоримог алхам, хэнийг ч болов сонсох ,ойлгох, хүлээц тэвчээр хийгээд   уламжлал шинэчлэлийг хослох алсын хараагаараа хамт олноо зөв залж, “Хүсэлтэй, Хүчтэй” эвсэг баг бүрдүүлж, зөв шийдэл гаргаж  яваа нь итгэл хүлээсэн хэн бүхний сэтгэл зүтгэлийн дөлд оч болон гялалзаж байгаа нь илт мэдрэгдэж байна.  Зарим  нэг нь “Таны нөөц шавхагдсан” гээд чөлөөлж байхад, “Шинэ сургууль, хамт олон бэхжихэд таны ажлын туршлага, үзэж сонссон чинь хэрэгтэй” хэмээн зөвлөх багшаар ажиллах санал тавихад нь миний бие баярлаж хөөрөхөөсөө илүүтэй өөрийгөө эргэцүүлэх ,бас бие сэтгэлээ дайчлахад хүргэж “ Хэрэг болдог ч ,болдоггүй ч өөртөө байгаа бүхнээ эдэндээ зориулах ёстойг илүү ихээр ухаарсан.       Боловсрол гэдэг их айлын халуун тогоонд дөч гаруй жил чанагдахдаа юу эсийг үзэх билээ. Шинэ сургуулийн шинэхэн баг яаж ингэж сайхан бүрдсэнийг чин санаа ,сэтгэл зүтгэлээс  нь алхам тутамдаа мэдэрч , биширч байдаг нэгэн.Нэг л мэдэхэд энэ сайхан буянтай хүмүүсийн дунд уусан орсон билээ. Ийнхүү ажил үйлс нь өөдрөг, амжилтын гараа нь чамлахааргүй байгаагийн нэгээхэн хэсгээс нь бахархан  цухас дурьдмаар санагдаж, удах тусмаа зузаарах баялаг түүх шашдирын эхлэл болгон, анхны жилийн дурсамжаар нэгэн дусал нэмэхээр зориглон шийдэж , бүхнийг магтан дуулъя гэж бодоогүй ч хэр чинээгээрээ эх сурвалжийн түвшинд бичихийг хичээв.      “ЭРДЭМ” ахлах сургуулийн хийморьлог, цоглог сайхан хамт олны юу санасан есөн цагаан хүсэл нь ямагт сэтгэлчлэн бүтэж байх болтугай. Сайн бүхэн дэгжин дэлгэрэг.     

Зөвлөх багш, АБТА   М.Долгорсүрэн

Нийтэлсэн Д.Цэдэнсодном

“ЭРДЭМ” сургуулийн сүлд дуу

Үг. Д. Нацагдоржийн шагналт Дан. Нямаа

Ая. СТА . Г. Жанцансамбуу



“ЭРДЭМ” сургуулийн сүлд дуу

Шаргал намрын өдрүүдэд

Ерөөлийн гэгээн учралтай

Цэнхэр хаврын үдшүүдэд

Цэцгэн насны дуулалтай

           Эрдмийн оргилд далласан

           Мөнгөн хонхны эгшигтэй

           Эрдэм Эрдэм сургууль минь

           Итгэл бадраасан сургаал минь

Бичиг номонд сургасан

Билгүүн саруул замтай

Аав ээж шиг ачилсан

Ардын багшийн суутай

          Эрдмийн оргилд далласан

          Мөнгөн хонхны эгшигтэй

          Эрдэм Эрдэм сургууль минь

          Итгэл бадраасан сургаал минь

Ариун номын ордондоо

Аз жаргал цалгиатай

Насан туршийн аяндаа

Наран зөв заяатай

        Эрдмийн оргилд далласан

        Мөнгөн хонхны эгшигтэй

        Эрдэм Эрдэм сургууль минь

        Итгэл бадраасан сургаал минь

Дуу бүтсэн түүхийг дараа ярьж өгнөөө  гэж ...  

МЭНДЧИЛГЭЭ.


Баянхонгор аймгийн “ ЭРДЭМ ” ахлах сургуулийн багш нартаа болон монголын өнцөг булан бүрт ажиллаж амьдарч байгаа монголын багш нартаа МОНГОЛЫН БАГШ НАРЫН БАЯР-ын гал халуун мэндийг өргөн дэвшүүлье.

2012 – 2013 оны хичээлийн жилд манай хамт олон ,сургалт хүмүүжлийн үйл ажиллагааны үр дүнгээр амжилт бүтээл дүүрэн байлаа.

Хүүхдийн Оролцооны Дэд Байгууллага 2012 оны ажлаараа тэргүүлэн, аймгийн “ Шилдэг Байгууллага ” болж, биеийн тамирын багш Ж.Батсайхан дасгалжуулагчтай бөхийн чөлөөт барилдааны тамирчин сурагчид багаараа аймгийн аварга болж, цом ,өргөмжлөл хүртлээ.

“ Эрдэм ” ахлах сургууль маань 2012 оны улсын хэмжээний “ ТОП – 20 ” сургуулиар шалгарч, Захирал Ц.Загдсүм 2012 оны улсын “ Шилдэг захирал” – аар тодорсон зэрэг бахархам сайхан амжилт гаргасныг дуулгахад таатай байна.

Манай хамт олон цаашид “ Боловсролын салбарын чанарын шинэчлэлийн хөтөлбөр ”-ийг хэрэгжүүлэх, “Эрдэм боловсролтой монгол хүн” болгон төлөвшүүлэх эрхэм үйлсдээ та бүхний үнэтэй сайхан санал, хүчин туслалцааг авч, хамтран ажиллан, илүү их үр дүнд хүрэх зорилго, хүсэл эрмэлзлэл өвөрлөн хичээж зүтгэх болно.

Багш та бүхэн элгээрээ энх амгалан, төрлөөрөө түвшин амгалан, эрүүл саруул, аз жаргалаар бялхаж, санасан бүхэн нь сэтгэлчлэн бүтэж байхын өлзийтэй ерөөлийг өргөн дэвшүүлье.



СУРГУУЛИЙН ЗАХИРАЛ Ц.ЗАГДСҮМ

ААШТ-ний шилжин явах цом хүртлээ.

ЭРДЭМ АХЛАХ СУРГУУЛИЙН БӨХИЙН СЕКЦИЙНХЭН ХҮСЭН ХҮЛЭЭСЭН АЙМГИЙН АВАРГЫН ЦОМОО ХҮРТЛЭЭ.

Манай сургууль үүсгэн байгуулагдаад удаагүй ч  бөхийн секцийн тамирчид аймгийн аварга шалгаруулах чөлөөт бөхийн тэмцээнээс багаараа 1- р байр эзлэв. Шилжин явах цомоо 2013 оныг дуустал сургуулийнхаа алдарын буланд байрлуулахаар боллоо. Багш Ж.Батсайхан шилдэг дасгалжуулагч алтан медаль хүртлээ. 2012-2013 онд бөхийн секц нь амжилтаар дүүрэн жил байлаа.

1. 2012 .11.03 íä Ãàëóóò ñóìàíä áîëñîí ¯íäýñíèé áºõèéí òýìöýýíä 10â àíãèéí ñóðàã÷ Á.Ï¿ðýâäîðæ ̺íãºí ìåäàëü

2. 2012 .12.19 íä Ýðäýíýò õîòîä áîëñîí Óëñûí Èõ Õóðëûí ãèø¿¿í àãñàí Îòãîíáèëýãèéí íýðýìæèò ׺뺺ò áºõèéí Îëîí Óëñûí òýìöýýíýýñ 9á àíãèéí ñóðàã÷ Ö.Ëõàìõ¿¿ Õ¿ðýë ìåäàëü

3. 2013.01.06 íä Æ¿äî áºõèéí Öîìûí òýìöýýíýýñ 10á àíãèéí ñóðàã÷ Ï¿ðýâñ¿ðýí Õ¿ðýë ìåäàëü

4. 2013.01.17-íîîñ 20 íû õîîðîíä ׺뺺ò áºõèéí ªñâºð ¿åèéí Àéìãèéí àâàðãà øàëãàðóóëàõ òýìöýýíýýñ 5 àëòàí ìåäàëü,3 ̺íãºí ìåäàëü,

5 õ¿ðýë ìåäàëü àâ÷ áàãààðàà 1-ð áàéð ýçëýâ.

¯¿íýýñ :

 11à àíãèéí Ñóðàã÷ Ì.Áàëæèííÿì, 11ã àíãèéí ñóðàã÷ Ý.Áàëæèííÿì, 10â àíãèéí ñóðàã÷ Á.Ï¿ðýâäîðæ, 9á àíãèéí ñóðàã÷ Ö.Ëõàìõ¿¿, 10á àíãèéí ñóðàã÷ Õ.Ñàðàíòóÿà íàð àëòàí ìåäàëü

 7à àíãèéí ñóðàã÷ Ëõàãâàäîðæ, 10á àíãèéí ñóðàã÷ Ò¿ìýíæàðãàë, 10â àíãèéí ñóðàã÷ Ï.Õ¿ðýëöîîæ íàð ìºíãºí ìåäàëü

 7à àíãèéí ñóðàã÷ Á.Àëòàíãýðýë, 8ã àíãèéí ñóðàã÷ À.Äýëãýðäàëàé, 10â àíãèéí ñóðàã÷ Á.Ãàíòîãòîõ, 10á àíãèéí ñóðàã÷ Àçæàðãàë, 8â àíãèéí ñóðàã÷ Áîëîðöýöýã íàð õ¿ðýë ìåäàëü

5. Íàñàíä õ¿ðýã÷äèéí Àéìãèéí àâàðãààñ 11à àíãèéí ñóðàã÷ Áàëæèííÿì àëò, 10á àíãèéí ñóðàã÷ Ñàðàíòóÿà ìºíãºí ìåäàëü, 10â àíãèéí ñóðàã÷ Ï¿ðýâäîðæ,10á àíãèéí ñóðàã÷ Àçæàðãàë,10á àíãèéí ñóðàã÷ Ï¿ðýâñ¿ðýí íàð õ¿ðýë ìåäàëü àâëàà.

БАГШ НАРТАА

Дэлхийн багш нарын өдөрт зориулав.


БАГШ, ТА АЛЬ НЬ ВЭ?

“Нарт ертөнцөд байхгүй нандин сайхан алба гагцхүү багш танд заяажээ.

Ян Комос Коменский”

Олон улсын багш нарын эрхийг хамгаалах байгууллагын санаачлагаар 1994 оны 10 дугаар сарын 5ны өдрөөс эхлэн дэлхий нийтээрээ “Дэлхийн багш нарын өдөр”-ийг тэмдэглэж байхаар шийдвэрлэснээс хойш 19 дэхээ жилтэйгээ золгож байна.

Энэ өдрийг Education International(EI) зохион байгуулж, ЮНЕСКО-гийн гишүүн орнуудын хүрээнд тэмдэглэдэг бөгөөд энэхүү үйл ажиллагааны хүрээнд багш нартай холбоотой мэдээллийг түгээн дэлгэрүүлэх, багшийн ажил ямар агуу болохыг хүргэх зорилгыг хэрэгжүүлдэг. Нээрээ ч багшгүй ерөнхийлөгч, багшгүй инженер, багшгүй суут ухаантан, түүнчлэн багшгүй энэрэнгүй нигүүлсэгч гэж байдаггүй билээ. Монголчууд бид багш нарынхаа баярыг жил бүрийн 2 дугаар сарын эхний 7 хоногт ёслол төгөлдөр тэмдэглэж, тэр үеэрээ багш нартаа хүндэтгэл үзүүлдэг билээ. EI байгууллагын энэхүү хүчин зүтгэл, санаачлагыг дэлхийн 100 гаруй орны 401 байгууллага хүлээн зөвшөөрч нэгдэн, дэлхийн бөмбөрцгийн өнцөг булан бүрт ажиллаж, амьдарч буй багш нар тэмдэглэдэг болсоор 18 оныг хэдийнэ үджээ. Жил бүр багшийн ажлыг сурталчлах зорилгоор олон төрлийн арга хэмжээ зохион байгуулж байна. Дөрвөн жил тутам Дэлхийн багш нарын их хурлыг зохион байгуулдаг. Миний бие 2010 онд дэлхийн багш 5 дугаар хуралд оролцож “Innovative practices in the teachers education and development of Mongolia” сэдвээр илтгэл бэлтгэж оролцож байв.

Глобальчилагдаж буй энэ цаг үед дэлхийн бусад оронтой эв санаа нэгтэй буйгаа илэрхийлж, нэгдэн нягтрах, дэлхийн мэргэжил нэгт нөхөдтэйгээ хөл нийлүүлэн алхаж байх зорилгоор уг өдрийн арга хэмжээнд оролцож байх нь зүйтэй болов уу хэмээн Дэлхийн багш нарын баярын өдөрт зориулан бичиж Ази, Африк, Европын 22 оронд ажиллаж буй мэргэжилт нэгтнүүддээ, найз нартаа илгээсэн богино нийтлэлээ Монголынхоо багш нартаа Дэлхийн багш нарын өдрийн мэндийг хүргэж, толилуулж байна.

Монгол Улсын мэргэжлийн боловсрол, сургалт дэлхийн чиг хандлагад нийцэхийн төлөө багагүй ажлыг сүүлийн 3 жилийн туршид хийж, хэрэгжүүлсээр ирсэн билээ. Үүн дотроос хамгийн том өөрчлөлтөд эрэлтэд суурилсан, ажил

олгогчийн шаардлагад нийцсэн боловсрол, олгох, мэргэжил эзэмшүүлэх үйл ажиллагаа юм. Өмнөх буюу уламжлалт тогтолцооны үед боловсролын салбар, хөдөлмөрийн салбар нь бие биенээс тусдаа үйл ажиллагаа явуулж ирснээр боловсролын салбарын хөгжил, мэргэжлийн салбар дахь хөгжил дэвшлээс илт хоцорч эхэлсэн нь төгсгөж буй мэргэжилтнүүд нь ажил олгогчдод гологдох хамгийн том шалтгаан нь болж ирсэн.

Энэ богино нийтлэлд бүгдийг хамран дурьдах боломжгүйг дурьдан, боловсролын салбарын гол тулгуур багануудын нэг багшлах боловсон хүчний хөгжилтэй холбоотой асуудлаар бага ч болов мэдээлэл өгөх зорилгоор “Багш, та аль нь вэ?” сэдвээр бичиж сууна.

БАГШ, ТА АЛЬ НЬ ВЭ?

“Суралцагч төвтэй”

эсвэл

“Хөтөлбөр төвтэй” сургалтын

аргазүй эзэмшсэн багш: Багш, та аль нь вэ?

Энэ хоёр аргазүйн гол ялгааг сургалтын философи л харуулна. Философи нь хандлагыг тодорхойлж, чиглүүлэх үүрэгтэй. Багшийн ажилд шинээр орж буй залуус өөр өөрийн итгэл үнэмшил, багшийн хөдөлмөрийн талаарх өөр өөрийн ойлгоц, үзэл санаа зэргийг бодож тунгаан сайн сайхан бодол тээсээр ирдэг. Багшлах үйл ажиллагааны талаарх гүн гүнзгий ойлголттой шууд ирдэг гэдэг нь юу л бол. Хийнгээ сурах ч (learning by doing), хэн нэгний чиглүүлэлт доор (mentoring) багшийн хувьд бойжин хөгжиж байдаг. Маш олон жил ажилласан мөртлөө анх хийж байснаа давтсаар байдаг багш нар ч байдаг.

Багшийг аль төрлийн бэ гэдгийг тодорхойлоход түүний сургалтын талаар, суралцагчдын талаар, мөн багшийн талаар хэрхэн ойлгодог нь чухал нөлөөтэй.

Энэхүү богино нийтлэлийг уншаад дараах ойлголтуудыг өөрийн ойлгоцоор дараалалд оруулаарай. Тэдгээр нь:

 Багшийн сургалтдаа хэрэглэдэг үйл ажиллагааны хэлбэрүүд

 Анги, танхимын зохион байгуулалтын схем, хичээл төлөвлөлт

 Сургалтын суралцах явц дахь багшийн оролцоо

 Ээлжит болон нэгж хичээлийн бэлтгэл

 Сургалтын шилдэг аргазүй

Сурган, заах арга зүй

“Суралцагч төвтэй сургалт”-н аргазүйг чухалчилдаг багш “конструктивизм”-д ач холбогдол өгдөг. Конструктивизм нь суралцагчийн өмнөх мэдлэг, суурь мэдлэг, өмнөх туршлага нь түүний шинийг сурах нөөц, суурь болж өгдөг гэдэгт ач холбогдол өгдөг үзэл санаа юм(Piagent, Inhelder, 1969). Учир нь мэргэжлийн боловсролын байгууллага(их, дээд, политехник коллеж, МСҮТ)-уудад элсэж буй оюутан, суралцагчдын өмнөх туршлага нь харилцан адилгүй, мэдлэг, ур чадварын ялгаатай түвшинд байдгийг харгалзана гэсэн санаа юм.(Vygotsky, 1986). Өөрөөр хэлбэл, сургалтын зорилгыг хангах, эцсийн цэгт хүрэх зай, туулах зам, давах бэрхшээл саадууд нь ч мөн л ялгаатай байна гэсэн үг юм. Сайн багш нь оюутан, суралцагч бүрийг эцсийн цэгт хүргэдэг.

Сургалтын үйл ажиллагаа анги, бүлгээр зохион байгуулагдаж байсан ч багш хувь хүн, оюутан, суралцагч нэг бүрт хандсан арга барилыг баримталсан хэвээр л байна. Энэ хэлбэрийн сургалтын аргазүй хэрэглэж буй үед багшийн үүрэг юу байх вэ? Оюутан, суралцагчдын сонирхол, сургалтын нэгдмэл хэрэгцээнд тулгуурлан сургалтыг зохион байгуулж, чиглүүлэх явдал юм. Хүн бүр дуртайгаа хийж, хүссэн амжилтдаа хүр гэсэн санаа энд ердөө ч нийцэхгүй юм. Энэ олон төрлийн мэдлэг, ур чадвар, туршлага бүхий хамт олныг сургалтын “эцсийн цэг” л нэгтгэж байх

учиртай. Түүнд туулах зам, сургалтад зарцуулах хугацаа, сургалтын арга хэлбэр л өөр өөр байж болохоос, урьдчилан тодорхойлсон “эцсийн цэг”-т л зангидагдаж байхыг дахин сануулья. Хүн бүр сургалтын агуулгыг А-с Я хүртэл бүрэн үзэж эзэмших боломжийг ч олгодог. Оюутнууд сонсож, харахаас гадна, өөрийн дуулж мэдсэн мэдлэг, онолын болон семинарын хичээлээр олж авсан мэдлэгтээ тулгуурлан дадлага ажил гүйцэтгэх, хэцүү төвөгтэй асуудлуудыг шийдвэрлэх нь мэдлэгээ үйл ажиллагаа болгох чадвар олгодог сургалтын шилдэг арга хэмээн олон судлаачид, эрдэмтэд, туршлагатай багш нар үздэг. Миний хувьд ч үүнтэй санал нэг байдаг.

“Надад хэлвэл би мартана”

“Надад харуулвал би санана”

“Надаар хийлгэвэл би мартахгүй” гэдэг дээ.

“Хөтөлбөр төвтэй сургалт”-ын аргазүйг чухалчилдаг багш нар заавал мөрдөх стандартад ач холбогдол өгдөг. Бүх оюутан, суралцагчдад яг ижил хөтөлбөрийг санал болгодог. Өөрөөр хэлбэл оюутан, суралцагчдын мэдлэг, ур чадвар, туршлагыг үл харгалзан ижил хугацаанд, ижил мэдлэгийг өгдөг. Тэдэнд зааж буй сургалтын агуулгаас хамааран суралцагчдын хөтөлбөр эзэмшилтэд академик бус “GAP” буюу зай завсар үүсдэг талтай.

Хөтөлбөр төвтэй сургалтыг анги бүлгээр зохион байгуулахдаа үнэндээ хөтөлбөрийг хэрхэн заах вэ гэдэгт л анхаарал хандуулдаг. Багш нар юуг заах ёстой, хэзээ заах, хэрхэн заах, мөн хэдэн цагаар заахыг тодорхойлдог. Хөтөлбөрт хамгийн зайлшгүй чухлыг л тусгасан байна. Сайтар бодож боловсруулсан, тодорхойлсон хичээл(subject)-үүдээр дамжуулан мэргэжлийн мэдлэг, ур чадварыг олгодог. Энэ тохиолдолд суралцагчийг бусадтай нь харьцуулах замаар үнэлдэг. Суралцагч төвтэй сургалтын үнэлгээ нь эцсийн цэгтээ хүрсэн эсэхээр л үнэлдэг. Тухайн заасан зүйлийг агуулгыг хэрхэн эзэмшсэн гэдэгт үнэлгээ хийхдээ, бусад нь хэрхэн хийж байна вэ гэдгээр үнэлдэг. Хатуу тогтоосон стандарт, сургалтын агуулга нь ажлын байранд чухал байх нь бий ч, яг үнэндээ онц ач холбогдолгүй байх нь бас бий гэдгийг сануулья.

Илүү ойлгомжтой байлгах үүднээс дээрх 2 хэлбэрийг харьцуулан үзүүлвэл:

СУРАЛЦАГЧ ТӨВТЭЙ

ХӨТӨЛБӨР ТӨВТЭЙ Суралцагч төвтэй.

Багш төвтэй. Өмнөх мэдлэг, туршлагад тулгуурлана.

Стандартад тулгуурлана. Тасралтгүй

Уламжлалт Мэдээлэл, нас биений онцлогт нийцсэн

Дүрэм журамд нийцсэн Шалгуурт нийцүүлнэ.

Стандартад нийцүүлнэ. Гүн гүнзгий

Өргөн хүрээний Интеграцичлагдсан сургалтын нэгжүүд

Хичээлүүд(subject) Үйл ажиллагаа, үр дүнд чиглэсэн

Үр дүнд чиглэсэн Сургалтын блок

Нэгж хичээл Багш, суралцагчийн хамтын ажиллагаа

Багшлах, суралцах үйл ажиллагаа зааглагдсан Туршлага, үйл ажиллагааны явцад эзэмшсэн мэдлэг

Стандартаар тогтоосон мэдлэг

Багш та тунгаан бодож, эргэцүүлээрэй. Мөн дараалал үүсгэхээ бүү мартаарай. Багш, та аль нь вэ?

Алаг адуун овогт Барамсайн Галбадрах

2012 оны 10 дугаар сарын 4ний өдөр http://resource1.sodonvision.com/tvet/file/2012/10/4c58e1e0310111fe/b2b700e91cd4759c.pdf ЭНДЭЭС ДЭЛГЭРҮҮЛЖ ҮЗЭЭРЭЙ

ХҮҮХДИЙН ХӨГЖИЛ, ТӨЛӨВШЛИЙН ЧИГЛЭЛЭЭР:

ХҮҮХДИЙН ХӨГЖИЛ, ТӨЛӨВШЛИЙН ЧИГЛЭЛЭЭР:

• “Эрдэм” ахлах сургуулийн эцэг эхийн хурал нь 2012.10.13,14-ны өдрийн 19.20 цагт зохион байгуулагдаж өнгөрлөө. Энэхүү үйл ажиллагаанд нийт ирвэл зохих 230 эцэг эхээс бэлэн ирсэн 214 эцэг эхйин буюу 96 % ирцтэй хурлын үйл ажиллагааг амжилттай зохион байгуулагдсан. Хурлын зохион байгуулалт сайн бөгөөд тус бүр 2 цаг 30 минут үргэлжилж өнгөрлөө. Хурлыг бага, дунд ахлах гэж ангилан зохион байгууллаа. Сургуулийн 2011-2012 оны амжилт бүтээлийг танилцуулан 2012-2013 оны хичээлийн жилд баримтлах бодлого зэргийг танилцуулсан нь эцэг эхчүүдийн талархал хүлээсэн арга хэмжээ болсон бөгөөд тэднээс санал зөвлөмж авахад бидний үйл ажиллагаанд хэрэгцээтэй саналууд ирсэн үүнийг жагсаавал:

• Сургуулийн хөл хөдөлгөөн их байна. Сурагчид их дэггүй байна. Хүмүүжилд анхаарч ажиллах хэрэгтэй.

• Өвчин гарч болзошгүй хүйтэн, сэрүүний улирал эхэлж байгаатай холбогдуулан үдийн цайндаа маш их хяналт тавих хэрэгтэй байна.

• Гүнзгийрүүлсэн сургалтыг олшруулах хэрэгтэй байна.

Дээрхи санал зөвлөмжийг цаашдын үйл ажиллагаандаа тусган засаж залруулах сайжруулах ажлыг зохион байгуулах болно. Сургуулийн эцэг эхийн зөвлөлийг 7 гишүүний бүрэлдэхүүнтэйгээр шинэчлэн байгууллаа.

• 2012 оны 10 дугаар сар 20-нд анги удирдсан багш нарыг чадваржуулах сургалт зохион байгууллаа. Тус сургалтанд нийт 47 багш хамрагдаж сургалтын талаар багш нар санал солилцож ,анги удирдах талаар олон дэвшилтэт санаа олон шинэ арга туршлагуудыг багш нарт таниулж чадсан сургалт боллоо. Сургалтанд уригдан ирсэн хүмүүс сэтгэл өндөр байлаа.

Төрөл Хугацаа Сургалт заах

Орчин үеийн хүүхдийн хүмүүжлийн онцлог ажиллах арга зүй 40 минут ГХБХХ-н мэтгэжилтэн Баасанхүү

Анги удирдсан багшид байх судалгаа түүний хэрэглээ 20 минут А.Өлзийсайхан

Анги удирдсан багш гэж хэн болох түүний үүрэг хариуцлага 20 минут Х.Мөнхнасан

Бүлгийн ажил/анги удирдсан багшийн төлөвлөгөө/ 20 минут С.Даваадулам

ХБ хүүхэдтэй ажиллах арга зүй 20 минут АDRA

Кейс дээр ажиллах 20 минут Г.Солонго

Асуудалтай хүүхэдтэй хэрхэн ажиллах 20 минут Дэлхийн зөн

• 2012 оны 10 дугаар сар 26,27-ны өдрүүдэд сурагчдын урлагийн бага наадмыг 6 төрлөөр 1-11-р бүх ангиудын дунд зохион байгууллаа. Төрөл тус бүрээс бага дундаар ялган эхний 3 байрыг шалгаруулан шагнахаас гадна медалийн тоог харгалзан бага дунд ангиудад шилжин явах цом гардууллаа.Урлагын бага наадмыг зохион байгуулах хүрээнд шалгуур үзүүлэлтын нэг төрөл болгон хоор дууг оруулж өгсөн бөгөөд тухайн шалгуурыг дүгнэхдээ ангийн сурагчид бүгд оролцох ёстой, бүгд жигдэрсэн байх ёстой гэж үнэлсэн нь хүүхэд бүрийг хамруулах ач холбогдолтой байлаа.

• Швецарын хөгжлийн агентлагийн эко сургууль төслийг амжилттай хэрэгжүүлэх хүрээнд анги бүрт эко клуб байгуулах болзолт уралдааныг нийт ангиудын дунд 300 мянган төгрөгийн шагналын сантай уралдааныг зарлаж анги бүрт эко клуб байгуулахаар боллоо. Уралдааныг дараах төлөвлөгөөний дагуу явуулахаар боллоо.

№ Үйл ажиллагаа

Аргачлал Уралдааны шатлал Хамрах хүрээ 2012 он 2013 он

10 11 12 1 2 3

1 Анги бүр клуб байгуулах, 5-7 гишүүнтэй клуб байгуулсах клубтээ нэр өгөх улмаар бүртгүүлэх, үйл ажиллааны төлөвлөгөө гарган сургуулийн эко клубын дарга Лхагвасүрэн батлуулах 1-р шат 30 анги шалгарч үлдэнэ

2 Эко мэдээллийн төвд ажиллах Ангийн сурагчид, тэдний эцэг эхийг эко мэдээллийн төвтэй танилцуулах, ажиллуулах 2-р шат 20 анги шалгарч үлдэнэ

4 Олон нийтийн нөлөөллийн ажил зохион байгуулах Олон нийтэд хандсан сургуулийн экологийн тулгамдсан нэг асуудлыг сонгон авч нөлөөллийн ажил зохион байгуулах 3-р шат 10 анги шалгарч үлдэнэ

6 Тайлант өдөрлөг Тайлангаа бэлтгэн өдөрлөгт үзэсгэлэн гаргаж оролцох

дэвжээ тэмцээнд оролцох 4-р шат 4 анги шалгарч шагналын эзэд болно.
• Сургууль тамхигүй орчин сэдэвт мэдээллийн булан ажиллууллаа. Архи тамхины эсрэг хамтдаа гарын үсэг зуруулах ажил зохион байгууллаа. Архи уудаг болон тамхи татдаг багш нараар гарын үсэг зуруулах нь их ач холбогдолтой байлаа. Тус хуудсанд нийтдээ 700 гаруй хүний гарын үсэг зурагдсан нь түүний ач холбогдлыг илтгэж байна.

• Бага дундын залгамж холбоог сайжруулах арга зам, Стандарт хангалтыг сайжруулах арга зам сэдэвт хэлэлцүүлгийг 2012 оны 10 дугаар сарын 23,24-ны өдрүүдэд 3 хэсэгт 60 багшийн бүрэлдэхүүнтэйгээр зохион байгууллаа. Хэлэлцүүлгийн дүнд гарсан санааг сургуулийн захиргаа дэмжин хамтран ажиллахаар болсон бөгөөд асуудлыг шийдвэрлэхүйц дорвитой олон санаа гарч байлаа.

• Мэргэжил бүхнээс нэг багш томилон сар бүр шалгалт авуулах

• Хүүхдүүдийг бололцооныхоо хэрээр сурах бичигтэй болгох

• Гэрийн даалгавар хийдэг болго зэрэг олон санаа гарсан.

• Хагас өнчин 83, бүтэн өнчин 15 сурагчийн судалгаа гарган сургуулийн өсвөрийн улаан загалмайн бүлгийн хандив тусламжинд хамруулж ажилласан . мөн баянхонгор аймгийн улаан загалмайн нийгэмлэгээс шинэ жилийн бэлэг өгүүлэхээр болсон нэг тус бүр нь 20000 төгрөгний өртөгтэйгээр өгөхөөр тохиролцсон

• Хөгжлийн бэрхшээлтэй хүнд хэцүү нөхцөлд амьдарч байгаа бага ангийн 22 сурагчид нэг удаагийн хувцас, хичээлийн хэрэгсэл зэргийг сургуулийн сурагчдын дунд хандивын аян зарлан тэдэнд тусласан

• Сургуулийн 11 ангийн сурагч Гантогтохын дүү харааны бэрхшээлтэй бөгөөд хараа оруулахын тулд хагалгаанд оруулах шаардлагатай болсон хандивын уриалгыг дэмжиж багш ажилчид сурагчид хамтран нийт 760 мянган төгрөгны хандив хүлээлгэн өгсөн.

• Хорих ангид хүмүүжиж байгаа хүмүүжигчдэд сэтгэлийн дэм болгон ахуйн хэрэглээний бараа, материалиар тусламж үзүүлж TV 10 телевизийн баярлалаа нэврүүлэгт орсон.

• Сургуулийн эцэг эхийн зөвлөлийг 7 гишүүний бүрэлдэхүүнтэй байгуулсан. Эцэг эхи йн зөвлөлийн даргаар 8б ангийн ээж Б.Тунгалаг ажиллаж байна. Сургуулийн эцэг эхийн зөвлөл нь ажлын төлөвлөгөө гарган батлаад бэлтгэл ажилдаа орсон ажиллаж байна. Эхний үйл ажиллагаа нь 2013 оны 1 сарын 11 –нд сургуулийн эцэг эхийн нэг өдөр арга хэмжээг зохион байгуулахаар болсон.

• Сургуулийн хэмжээнд хүүхэд хөгжлийн ажил хүүхэд хөгжлийн төвд зохион байгуулагддаг бөгөөд. Тус танхимд цагийн хуваарийн дагуу нийт 12 хүүхдийн оролцооны байгууллага чиглэлийн дагуух үйл ажиллагаа явуулж байна. Тус ХОБ-уудын гишүүнчлэлд нийт 319 сурагч хамрагдан ажиллаж байна. ХОБ-ууд давхардсан тоогоор 78 нөлөөлийн ажил зохион байгуулсан түүнд хамрагдсан хүүхдийн тоо давхардсан байдлаар 5000 гаруй байна.

• Сургуулийн хэмжээнд нийт 8 хичээлээс гадуурх сургалт сонгон секц дугуйлан хичээллэж түүнд нийт 300 гаруй сурагч хамрагдан хөгжиж байна.

№ Хүүхдийн оролцооний байгууллага Гишүүдийн тоо Чиглүүлэгч багш

1 Сурагчдын зөвлөл 15 Нийгмийн ажилтан А.Өлзийсайхан

2 “Эрдэм” хүүхдийн оролцооний дэд зөвлөл 14 Нийгмийн ажилтан А.Өлзийсайхан

3 Скаут 120 Мастер багш Нарангав, Лхагва-Очир, Долгорсүрэн

4 Улаанзагамайн бүлгэм 30 Нийгмийн багш Б.Дарьсүрэн

5 “Эрдэм” эко клуб 15 Газарзүйн багш Н.Лхагвасүрэн

Ангийн ЭКО клуб Анги тус бүрт 4-5 гишүүний бүрэлдэхүүнтэй АУБ нар

6 Өсвөрийн эмч эрүүл мэндийг клуб 10 Эмч Хансмаа

7 Өсвөрийн цагдаа бүлгэм 21 Нийгмийн ажилтан А.Өлзийсайхан

9 Сэтгүүлч клуб 20 Д.Эхбаяр

10 English клуб 26 G.Granth

11 Хятад хэлний клуб 15 Хятад мэргэжилтэн, Болормаа

12 Эрүүл мэндийн клуб 23 А.Билэгмаа

13 Adra өсбагш нар 10 Нийгмийн ажилтан

Adra төслийн ажилтан Тунгалаг

Нийт 319 сурагч

• Нийт 12 байгуулагт 319 сурагч хамрагдан ажиллаж байна. Мөн ангий бүрийн эко клубыг оруулан тооцвол 544 сурагч болж эдгээр нь нийт сурагчдын 38,2 % нь хүүхдийн оролцооны байгууллагын гишүүн сурагч болж байна.

• НҮЭМ-ийн зорилтот хөтөлбөрийн үйл ажиллагааг хэрэгжүүлэхэд хувь нэмрээ оруулах гэр бүл найз нөхөддөө нөлөөлөх сургагч багш бэлтгэх зорилгоор Зорилтот бүлгийн 75 эцэг эхчүүдэд НҮЭМ-ийн мэдлэг олгох сургалт зохион байгуулсан. Эдгээр сургалтанд суусан эцэг эхчүүд өөрсдийн гэр бүл, үр хүүхэд, найз нөхөддөө нөлөөлж хамрах хүрээг нэмэгдүүлж байна.

ЗОРИЛТОТ БҮЛЭГ, СУРГАХ ХҮНИЙ ТОО

Зорилтот бүлэг Сургалтанд хамрагдах хүний тоо Хугацаа

X/27 XI/3 XI/10

Эрдэм" ахлах сургуулийн боловсролын түвшин бага малчин эцэг эхчүүд 25

"Эрдэм" ахлах сургуулийн АЖИЛГҮЙ эцэг эхчүүд 25

Ахлах ангийн эмзэг бүлгийн сурагчид /харж хандах хүнгүй өрх толгойлон дүү нараа харж сурч байгаа эцэг эхчүүд, хагас өнчин, бүтэн өнчин, гэмт хэрэг зөрчилд орж болзошгүй 25

• Анги бүр өөрийн сургуулийн хөгжлийн бэрхшээлтэй сурагчдыг ойлгох тэднийг гадуурхахгүй байхад анхаарах талаар сурталчилгаа мэдээллийн хуудас байршуулан тэдэнд ээлтэй орчинг бүрдүүлсэн

• Хөгжлийн бэрхшээлтэй хүүхдийн асуудал, оролцоо таны бодлоор” хэмээх хэлэлцүүлгийг 8,9,10-р ангийн 25 ангийн дарга нар оролцуулан зохион байгуулсан. ХБ-тэй болсон хүүхдүүдэд хэрхэн туслах,сурч байгаа сургуульдаа эдгээр хүүхдүүдийн аюулгүй,эрсдэлгүй сурах орчинг бүрдүүлэх,нийгмийн оролцоонд татан оруулахад сургууль тус бүрийн ангийн дарга нарын үүрэг оролцоо ямар чухал болох талаар санал зөвлөмж гарсан

• Сургуулийн хэмжээнд нийт 56 хүнд ,хөнгөн ХБ-тэй хүүхэд суралцан нийгэм хамт олон дундаа хөгжиж байна. Тэдний дотор оюуны хүнд хэлбэрийн бэрхшээлтэй 2 сурагч чадамжинд суурилсан боловсрол эзэмшиж байна.

• Бага ангийн нийт багш нарт хөгжлийн бэрхшээлтэй сурагчыг оншлох арга зүй номыг тараасан бөгөөд мөн оншлох гарын авлагаар бүрэн хангасан

• Бага ангийн 10 багш хөгжлийн бэрхшээлтэй хүүхэдтэй ажиллах арга зүй сургалтанд хамрагдсан

• “ЭРДЭМ” АХЛАХ СУРГУУЛИЙН ХҮҮХДИЙН ӨӨРИЙН УДИРДАХ БАЙГУУЛЛАГУУДЫН ДУНД ЗОХИОН БАЙГУУЛЖ БУЙ “ДЭВЖЭЭ” ТЭМЦЭЭНД ОРОЛЦСОН БАГУУД

Оролцох багууд:

• Скаут бүлэг /Отгонханд/

• Охидын зөвлөл /Мөнгөнтуул/

• Сэтгүүл клуб /Д.Энхбаяр/

• Өсвөрийн эмч /Дуламсүрэн/

• Эрүүл мэнд скут /Билэгмаа/

• Эко /Д.Лхавгасүрэн/

• Өсвөрийн цагдаа /А.Өлзийсайхан/

• Улаан загалмай клуб /С.Дарьсүрэн/

• Хүүхдийн оролцооны дэд зөвлөл /А.Өлзийсайхан/

Энэхүү дэвжээ тэмцээн нь 2012 оны 03 дугаарын 16нд “Эрдэм”ахлах сургуулийн спортын зааланд 13.00 цагаас ХОБ-ын нийт 9 багийн бүрэлдхүүнтэйгээр эхэллээ. Дэвжээ тэмцээнийг “Эрдэм”ахлах сургуулийн зөвлөх багш М.Долгорсүрэн,ХТХэлтэсийн ахлах мэргэжилтэн Д.Оюунсүрэн,”Эрдэм”ахлах сургуулийн дуу хөгжимийн багш Д.Бүрэнтогтох ,”Хүүхэд бүрт тэгш боломж”төслийн ажилтан Б.Далайжаргал , нийгмийн ажилтан А.Өлзийсайхан нар тус тус шүүн явууллаа. Тэмцээнийг нээж “Эрдэм”ахлах сургуулийн зөвлөх багш М.Долгорсүрэн үг хэлж ,тэмцээнд оролцож байгаа багуудад амжилт хүслээ.Тэмцээнд бүх багууд идэвхи санаачлагатай оролцож,өөрсдийн бэлдсэн үзүүлбэр тоглолтуудаа тоглон үзүүлж хоорондоо оюун ухаан,авхаалж самбаа, хурд хүчээ үзлээ. Дэвжээ тэмцээн:

• Багийн мэндчилгээ -2 минутанд

• Гэрийн даалгавар -5 минутанд /Сургуулийн орчин аюулгүй бүс/

• Асуулт хариулт - багийн ахлагч нар оролцоно

• Бидний хит – 3 минутанд /дуу, жүжиг, бүжиг,шүлэг ... Г.М / 4-н төрлөөр амжилттай явагдаж,тэмцээнд оролцсон 9 багаас эхний 3 байрыг мөн тусгай байрын нэг багийг тус тус шалгарууллаа.

1-р байрыг “Өсвөрийн цагдаа”бүлгэм

2-р байрыг”Эрдэм”хүүхдийн оролцооны дэд зөвлөл

3-р байрыг “Сэтгүүлч”клуб нар тус тус эзэллээ.

Мөн тусгай байрын шагналыг “Үе тэнгийн сургагч багш нар”бүлгэм эзэллээ.
Дэвжээ тэмцээний бэлтгэл үе:

Дэвжээ тэмцээнд оролцсон багууд:
“Үе тэнгийн сургагч багш”бүлгэм “Өсвөрийн цагдаа” бүлгэм “Скаут”клуб

“Эко”клуб “Өсвөрийн эмч”клуб Сэтгүүлч” клуб “

“Охид”-ын клуб “Улаанзагалмай”бүлгэм “Эрдэм ”хүүхдийн оролцооны дэд зөвлөл
Мөн энэ үеэр “Эрдэм”ахлах сургуулийн ХОБ-ны 9 байгууллагын шилдэг сурагчдад өөрийн байгууллагыг үйл ажиллагааг идэвхи санаачлагатай зохион байгуулж,сургуулийнхаа сурагчдад үлгэр дурайлалттай байсныг нь үнэлэн байгууллага тус бүрийн нэг сурагчийн шагнаж өргөмжлөл үнэ бүхий зүйл хадгалуулав.

ТАЙЛАН БИЧСЭН:

НИЙГМИЙН АЖИЛТАН А.ӨЛЗИЙСАЙХАН

СУРГАЛТЫН МЕНЕЖЕР П.НАРАНТУЯА

НИЙГМИЙН УХААНЫ АНХДУГААР ОЛИМПИАД

БАЯНХОНГОР АЙМГИЙН ЭРДЭМ АХЛАХ СУРГУУЛИЙН НЭРЭМЖИТ


НИЙГМИЙН УХААНЫ АНХДУГААР ОЛИМПИАД АМЖИЛТТАЙ

ЗОХИОН БАЙГУУЛАГДЛАА.

Тус сургуулийн түүх нийгмийн ухааны багш нарын санаачлагаар Баянхонгор аймгийн төвийн ЕБС-иудын сурагчдын дунд “НИЙГМИЙН ТУХАЙ МЭДЛЭГ” хичээлийн анхдугаар олимпиадыг зохион байгууллаа. Тус олимпиадад нийт 72 сурагч оролцож мэдлэг, оюун ухаанаараа уралдлаа.

Анхдугаар олимпиадыг нээж тус сургуулийн захирал Боловсролын удирдлагын докторант Ц.Загдсүм хэлсэн үгэндээ тус олимпиадын агуулга, ач холбогдлыг тодорхойлж, тус олимпиад жил бүр уламжлал болон зохиогдоно гэж мэдээллээ. Энэ мэдээг шавь нараа дагуулан ирсэн багш нар баяртайгаар хүлээн авч байлаа. Мөн аймгийн БСГ-ын мэргэжилтэн Г.Батбаяр хүрэлцэн ирж олимпиадад оролцогчдод баяр хүргэж амжилт хүсэн ерөөлөө.

Олимпиадад оролцсон сурагчдын бичгийн ажлыг кодлон сургууль тус бүрээс нэг нэг багш засалт хийж дүнгээ гаргахад анхдугаар олимдиадын алтан медалийн эзнээр Номундалай цогцолбор сургуулийн 11-р ангийн сурагч Сайнбилэг/бэлтгэсэн багш нь Н.Цэцэгээ/ тодорлоо. Удаах 2-р байр мөнгөн медалийн эзнээр Номгон ахлах сургуулийн 11-р ангийн сурагч Сандаг-Очир/бэлтгэсэн багш нь Цолмон/, хүрэл медалийн эзнээр Эрдэм ахлах сургуулийн 11-р ангийн сурагч Ариунболд/бэлтгэсэн багш нь Д.Мөнхтөр/ нар тус тус эзэлж өргөмжлөл, медалиа гардан авлаа. Тус олимпиадад оролцсон багш сурагчид олимпиад явуулсан журам, ач холбогдлыг өндрөөр үнэлж зохион байгуулж байгаа бидэнд урмын үг хэлж байсан нь цаашид энэхүү олимпиадыг улам чанартай, өргөн далайцта, хүртээмжтэй зохион байгуулах хэрэгтэйг ойлгууллаа. Мөн бусад сургуулийн багш нар ч гэсэн бидний энэхүү ажлаас санаа авч илтгэлийн уралдаан, мөн багш нарын дунд тодорхой ажлуудыг зохион байгуулна гэж амлаж байлаа.

Олимпиадын удирдамжийн дагуу сургууль тус бүр сурагчдынхаа дунд эсээ бичлэгийн уралдааныг зохион байгуулан өөрийн сургуулийнхаа шалгарсан 5 шилдэг эсээ бичлэгийг авчирлаа. Ирсэн эсээ бичлэгийг уншиж дараах байруудыг эзлүүлэн өргөмжлөлөөр шагнаж урамшууллаа. Үүнд: 1-р байр Номундалай цогцолбор сургуулийн 11-р ангийн сурагч А.Дэнсмаагийн бичсэн “Давхраажилтын тухай” эсээ бичлэг, 2-р байр Эрдэнэмандал ахлах сургуулийн 11-р ангийн сурагч Г.Долгорсүрэнгийн бичсэн “Ядуурал” сэдэвт эсээ бичлэг, 3-р байр Номгон сургуулийн 11-р ангийн сурагч С.Дуламын бичсэн эсээ бичлэг эхний 3 байрт шалгарлаа. Уралдаанд ирсэн эсээ бичлэгүүдийг Эрдэм ахлах сургуулийн түүх нийгмийн ухааны багш нар нэгтгэн гарын авлага болгон гаргаж багш сурагчдын хүртээл болгохоор төлөвлөж байна.

Олимпиын нээлтэнд сургуулийн захирал Ц.Загдсүм, БСГ-ын мэргэжилтэн Г.Батбаяр нар баяр хүргэж үг хэлж байгаа нь

Олимдиадад 72 сурагч, 13 багш оролцлоо. Олимпиадын алт, мөнгө, хүрэл медальтангууд

Олимпиадын бичгийн ажлын явцаас

Эрдэм сургуулийн нэрэмжит нийгмийн ухааны анхдугаар олимпиадыг зохион байгуулахаар санаачлага гарган амжилттай зохион байгуулсан тус сургуулийн НУЗАТ-ийн түүх нийгмийн ухааны багш нартаа талархал илэрхийлж цаашдын сурган хүмүүжүүлэх ариун үйлсэд нь өндрөөс өндөр амжилтыг хүсэн ерөөж байна. Мөн багш нарын маань гаргасан саналыг халуун дотноор хүлээн авч бүх талаар дэмжлэг үзүүлсэн сургуулийн захиралдаа багш нарынхаа өмнөөс баярлаж талархсанаа илэрхийлж байгааг хүлээн авна уу.

Бидний санаачилсан энэхүү ажил цаашид олон багш нарт санал санаачлага төрүүлж хийж бүтээх их эрч хүчийг хайрлана гэдэгт итгэлтэй байна.

ТАЙЛАН БИЧСЭН:

СУРГАЛТЫН МЕНЕЖЕР Л.ОНОНХҮҮ

НАСАН ТУРШИЙН БОЛОВСРОЛ ОЛГОХ ТӨВ

БАЯНХОНГОР АЙМГИЙН “ЭРДЭМ” АХЛАХ СУРГУУЛИЙН НАСАН ТУРШИЙН БОЛОВСРОЛ ОЛГОХ ТӨВ


Эрдэм ахлах сургуулийн “Насан туршийн боловсрол”-ын тэнхимээс АББ-ын дүйцсэн хөтөлбөрөөр холимог бүлэгтээ 28 хүүхэд, суурь боловсрол эзэмших 5 хүүхэд, бүрэн дунд боловсрол эзэмшихээр 25 сурагч хичээллүүлж байна. Тус сургууль нь хамран сургах тойрог болох 2,3-р багийн нийт иргэдийн дунд ажил хөдөлмөр эрхэлдэггүй , бичиг үсэггүй, сургууль завсардсан иргэдийн дэлгэрэнгүй судалгааг авч “Гэгээрэл хөгжлийн төв”-ийг түшиглэн амьдрах ухааны, эрүүл мэндийн, бичиг үсгийн, экологийн, зан чанарын, санхүүгийн боловсрол олгох сургалтуудад хамруулж байна. Баянхонгор сумын хэмжээнд 4 сургуульд түшиглэн дүйцсэн хөтөлбөрийн холимог бүлэгт 1, 1 анги хичээллэдэг бөгөөд нийт 4 ангийн сурагчдын дунд сурагчдыг нийгэмшүүлэх, хамт олон дотор хөгжүүлэх, хүмүүжүүлэх, төлөвшүүлэх төрөл бүрийн ажил зохион байгуулдгийн нэг жишээ нь 1-р сургуулийн нэрэмжит “Сайхан бичиг”-ийн уралдаанд тус ангийн сурагчид 1-р байр эзэллээ.Мөн АББ-ын арга зүйч З. Туул нь 2-р багийн эмч Цэрэнхорлоотой хамтран тус багийн залуу гэр бүлийн 20 гишүүнд “Хүүхдийн өвчний цогц менежмент”, “Нийгмийн цогц суурь үйлчилгээ” зэрэг сургалтыг зохион байгууллаа.Энэ сургалтаар иргэн бүрийн хөгжил нь багаас эхэлдэг гээд , багийн иргэдийг чадваржуулж, өөрийнхөө төлөө, гэр бүлийнхээ эрүүл мэнд, үр хүүхдийнхээ сайн сайхны төлөө гэр бүлийн гишүүн бүр мэдлэгтэй байх, харьяа баг хорооныхоо удирдах ажилтнуудтай ойр байж, наад захын амьдрал ахуйд нь хэрэг болох бага насны хүүхдийн өвчин, яаж сэргийлэх, ямар мэдлэгтэй байх тухай мэдэхгүй олон зүйлсийг сурч авч байгаа тухайгаа ярилцаад, энэ талын мэдлэг хангалтгүй, хэнд хандахаа мэдэхгүй зэрэг бэрхшээл байдаг тухайгаа ярьж байлаа.



нийтэлсэн З. Туул